تعليقات أطول قفزة
انتهى وقت الـ"دوام" ... الشغل لم ينتهي، في الواقع لن ينتهي، فانتهزنا الفرصة و خرجت مع صديقي لنقوم بمخطط الـ"شوبنغ" الذي تم تأجيله لمرّات عدة و أعدنا جدولته لمرات أكثر ... الخطة : فوت على المحل اللي بتلاقيه، قيسلك كم قميص على كم بلوزة، حدد المشتريات، فاصل، كمان فاصل ... حاسب و اطلع :) على السريع :) المهم و بلا طولة سيرة و نحن "نقزدر" بعد نص ساعة "شوبنغ" صادفنا محل يعرض أطول سقوط حر ... سيتم كسر الرقم القياسي، في الحقيقة أنا لا أعرف ما هو هذا الرقم القياسي ولكن الـ"سولافة" كلها تجذب الانتباه.
فعلاً ... زلمتنا نط (و للذي لا يعرف عما نتحدث، قام فيلكس النمساوي بالاقتراب من الغلاف الجوي و القفز محاولا كسر الرقم القياسي، الذي لم يكسره ... ولكن كسر ارقام اخرى ... التفاصيل حسب الغارديان) الحلو بالموظوع مش النطّة ولكن التعليقات التي صاحبتها، فهذه أبرز التعليقات:
- من وين نط ؟ .... نط من فوق.
- هسه بوقع على الارض بتفرتك.
- بس يوقع على الارض بطلعوا رجليه من كتافه.
- *أول ما فتح الباب* هسه بسكر الباب على ايده.
- *أول ما طلع من المركبة* هسه بخبط راسه و بوقع.
- من وين نط قلتلي ؟ .... من القمر يا زلمة *بكل ثقة*.
- مبين عليه ريلاوي مش برشلونة عشانه لابس ابيظ.
- مستحيل يظل عايش ... فش هوا فوق.
- *و الأخ قافز* ولّع ولّع ولّع.
- لو انه اردني كان سمعنا اغنية "طل النشمي من الخندق".
- هسه بوقع هون *بجبل الحسين*.
و طبعاً انتهت بالصراخ و التزقيف تعبيراً عن النصر، و بعديها و بعد تسليم حار و شكر لصاجب المحل بالسماح لنا بالمتابعة كل واحد راح بحال سبيله ... و هون خلصت السولافة. والله يابو شرك .... الزلمة مقلّع.
I posted a comment , waaaaaaaino! shiklo filex sarago
ReplyDeletel 3arse!
:))
(I remember I did btw, jad!)
-----------
ya zalameh e7na sha6reen bel 7aki, laweesh l 7aky? :))
-------
not to mention sa7ee7 that he heard الأذان + he kneeled and converted to Islam the second he landed :D